نصيحــه
بسم الله الرحمن الرحيم
.
.
.
صحراء الضمأ اهون من العيش مشتاق
لا صرت تعشق واحداً ما يطيقك
واكبر قهر لا لوكنت صادق من اعماق
ويخونك اللي تحسب انه رفيقك
وليا ابتسم الليث من ناب براق
احذر ترى مسعاه الاول حريقك
ياسامعاً لصوت في ساعة اشراق
غدر المحب ماهوب شيً يليقك
ماتدري ان الشوق فالقلب حراق
وانته ولا كنك تحس بعشيقك
مره احس بانك على الكل سباق
ومرات احس بان الخديعة شقيقك
غادر ترى معاد بك شي ينطاق
ماغير ذكرى موجعه ماتفيقك
دربك ودله نبتدي لحظه افراق
وعينك على قلبً يكمل طريقك
ويا قلب صابر { الضمأ زين ولوشاق}
دام الذي تهواه قصده يعيقك
وكتب نصيحة حب لقلوب عشاق
طرد السراب ماظنتي يبل ريقك
واللي زرع درب الهوى ورد واشواق
حذراك غدر النحل يذهب رحيقك
هذا ولا كل النحل جاك بواق
بعض النحل ياخذ وتلقاه بضيقك
وحذراك من دمع التماسيح لا راق
تتبخر ادموعه ويكربن شهيقك
هذا وصلي عالنبي زين لخلاق
شفيع يشفع لك ونور بطريقك
ليست هناك تعليقات:
إرسال تعليق