روح السعاده و الوله
بسم الله الرحمن الحين
.
.
.
قالت ابي منك قصيده يا سهير
قلت الله الله آمـري يا مدلـله
الليله الهاجس على موج الأثير
يستنبط الأحساس مما يجهله
خذت القلم والحرف من فرحه يطير
وغرد على عذب المعاني و اجمله
يا هاجسي لا اوصيك هات من الاخير
واطرب مسامعنا من اللي تنهله
على طروق اللي طروقه من حرير
أُحبُك لنا من ناعمه من مخمله
اذكر وليفي لي غدى ذكره عبير
اليا ذكرته طاب جرحي و ادمله
عشيري اللي ما ابد مثله عشير
و الكامل الله بالجمال امكمله
فيها الجمال اللي حشا ماله نظير
لا شفتها جريت صوتي بأطوله
وقوم اردد يا عسى الحاسد ضرير
بحق طاها والحشر و الزلزله
و احير لا بالله دمي لي يحـير
وآ غار من لبسه وايضاً من هله
يالطرف لي ناعس دخيلك وش يصير
لا من نظرتك انهد حيلي بأكمله
رموشك اللي خلت العاقل غرير
اسود طبيعي ما اعترف بالمكحله
والخد خمري يا صغير الله يجير
اليا ابتسم ثغرك فضانا تشعله
واخصالها ان جيت بوصفها كثير
من كل زيناً ماخذه الأولــه
ماني مؤهل اوصف الغصن الخضير
ولا حروف الشعر تقدر توصله
لا غير اطلب من الهـي القدير
يحرسك يا روح السعاده و الوله
ليست هناك تعليقات:
إرسال تعليق