صكات بقعا
بسم الله الرحمن الرحيم
في معمعة كل الصوادف ثبتنا,,
ياذيب جر الصوت من روس لرجوم
جور الليالي من جلدنا شكتنا,,
واحنا على درب الصبر دايم الدوم,,
يا ذيب لوعات الليالي كوتنا,,
واحنا لكيات الزمن عادنا نشوم
ما همنا لو كان قد هي بختنا
دايم على الشدات يا قو لعزوم
نكتم خوافينا ولا كن جتنا
صكات بقعا لا ولا غم وهموم
لجل الذي يفرح ويعشق مقتنا
عز الله إن يموت ياخوك مظلوم
ولجل العيون اللي رجينا ورجتنا
اللي معانا تفطر الشهر وتصوم
نصبر ولو كل المصايب غشتنا
ونرسم على ثغر القهر ضحك ورسوم
و نشري هل الطولات لامن بغتنا
شرواك يا وراث طحاطيح وقروم
يا ذيب لك بالقلب قدراً نحتنا
بين الحنايا العوج محشوم محشوم
بعد المسافه لا حشا ما ابعدتنا
تبقى القلوب قراب ياسيد القوم
ليست هناك تعليقات:
إرسال تعليق