إن عشت يا راسي
بسم الله الرحمن الرحيم
.
.
.
العيشـه اللي بين سقطـه و قامه
والحظ ياللي بين طـايح وقـايم
هذي حيـاة الجـيد في وقت ضامه
صكات بقعا صايره له ولايم
ومهما قست ليـام عالي مقامه
وقدره مع شرواه من فوق دايم
جور الليالي ما تحـطم عضـامه
ولاهوب من لي يرتضي بالهزايم
يبقى طويق..طويق ثابت قوامه
قمه تعلت فوق بيض الغمايم
إن عشت ياراسي لبست العمامه
وان مت يا راسي فدتك العمايم
ليست هناك تعليقات:
إرسال تعليق