يا صاحبي{ طلب الاخ الشاعر شامخ منيف}
بسم الله الرحمن الرحيم
.
.
.
.
يا صاحبي تنشد عن الحال يا صاح
والحال واحد بين وعكه وصحه
يا صاحبي ماحد من الهم مرتاح
كلاً شكى وقته و ظلمه و شحه
يا صاحبي واللي يزيد الألم آح
انك بغربه زادها زود ملحه
و الوقت جزعه والليالي ترناح
و المغترب مابين رمحه و رنحه
يمر يومه بين آهـ و توناح
و الليل بارد ما لقى فيه سنحه
جزع حياته بين مسراح مرواح
و الراس شيب بين جمعه وطرحه
كلاً يباه و من كفيله له اصياح
ويدعي عليه الله من راس صبحه
مسكين حاله و النكد وين ماراح
مرّت عليه اعياد من غير فرحه
لا يخدعك لا صار كل يوم مزاح
ما غير يخفي هم من خلف مزحه
و عن وضعه الصحي تلقاه سرّاح
و لا به القيلون او فيه قرحه
ذي حالته بالمختصر عنه يا صاح
و الحال واحد بين وعكه و صحه
ليست هناك تعليقات:
إرسال تعليق