ياشــوق
بسم الله الرحمن الرحيم
.
.
.
ياشوق عذبت المحب المتيم
يكفي كفى كافيك يكفيك ياشوق
قد حالتي ما تسر كافر ومسلم
وانت السبب ياشوق في كل مخلوق
عذبتني ياشوق ما كان ترحم
والقلب من بين المعاليق مسروق
لا وآ هني ياللي من الشوق محرم
عايش سلي البال ماهوب مرهوق
ماهوب مثلي لا قعد قام يزهم
مثل الغريق اللي غدت حالته عوق
في بحر كن امواجه اللي تلطم
كافر لقى مسلم في خبت مشنوق
لاهو رحم حاله ولاهو تألم
اضرم نياره في جسد شخص مخنوق
والشوق يالعشاق ظالم ومجرم
كمن فتى منه شكى قلب محروق
هذا وانا في الشوق قلبي متيم
لنه مقدر لـي ولانـي بمعتـوق
ليست هناك تعليقات:
إرسال تعليق