وصــايا
]بسم الله الرحمن الرحيم
.
.
.
ابـدا بـذكرك يا إلـه البرايـا
ياعالمـاً جهــري ومـافي الخفايا
واثنـي صـلاتي عالنـبي المطهر
مالاح بـراق السحاب بسمــايا
وياهـاجسي هات الحـروف الجزيله
ترسـل لخو صالح مع ازكى التحايا
وقلبي خـذه مع عود اخضر هديه
من عـادة لجـواد تقبـل هـدايا
وان كان في قلبك عليـّه خطيه
ابشـر بعزك وهاك منـي وصايا
الاولـه لا تحمـل الحقد حــذرك
على خويك لو جفـاك بحكـايا
والثانيه خل التفــاكير والهـم
على الولي الحـي جــزل العطايا
والثالثـه لا تساير انسان عاثر
من ساير الجـربا حصاده بلايـا
والرابعـه لاتسمع هروج حاقد
مادام حبـك ساكناً في حشـايا
يامحسن ان القلب تشعـل نياره
ودقـات قلبي ترجمـه للشكـايا
من هول ماشفته في بعض المخوه
يحفـر تحت خوتـه وهـرجه وشايا
وين المخـوه دام فيـها خـيانه
ياشيب راسـي عالمخـوه وعمايا
حـرام ماقـامت لكـم اي هيبه
دامك اخي تطعن وطعنك ورايا
تبدي لي البسـمات لاصرت عندك
وليـا غديت ابعـيد تعض الشفايا
واحقاد شفنـاها تهد الرواسي
وابليس يتفرح خبيث النوايا
ياهيه من يوحي ويوعي ويفطن
راحت قوافلكـم نهب و سبايا
نصيحتي خلـوا هـروج الحقودي
مافـاد يومـاً ناشـرين الدعـايا
اهل النمـيمه فاقـدين الضمـاير
حسـيبهم ربـي مجيـب النـدايا
والخـتم صل الله على خير منذر
الهاشمي حبـه سكن في الخـلايا
اللي بـذكر يرتـوي كل ضـامي
وآنا بـذكـره زاح عـني ضمـايا
ليست هناك تعليقات:
إرسال تعليق