يا حــــــــــــلا
بسم الله الرحمن الرحيم
.
.
.
هاضني طاريك والله ياملاك
سعد عيني يوم اشوفك فالسعد
يا حبيب الروح قلبي في هواك
ذايباً و الطرف في بعدك قهد
يا حلا مافي حلا الا حلاك
مع حلاتك وش حلاتك يالشهد
لو اضل العمر كله في نباك
بنتظر والعمر فدوه لك بعد
بنتظر لوني على جرف المحاك
ما ابالي دامني حسب الوعد
يا حبيبي والله اني عن سواك
ساج فكري ولا ملا عيني احد
يشهد الله ما ابى الا لقاك
واسمع المسجون لي خلف البرد
واسِمعك كلمه صداها في فضاك
برقها صدق و وفاها الرعد
ايه احبك حب لا حد الهلاك
وعنك والله يا حبيبي ما ابتعد
ليست هناك تعليقات:
إرسال تعليق