سجين اسياج صدري
بسم الله الرحمن الرحيم
.
.
لو انك ياسجين اسياج صدري لك جناح الطير
تطير وتبتعد عن هم تضايقك به شرايينك
اراهن ما تلاقي مثل سجني والفجوج كثير
ولو شفت الفضاء واسع وتاهت به عناوينك
معي في سجن صدري الحياه الها مذاقً غير
وسط سجن الضلوع آفاق من الاشواق مهدينك
عماير حب.. شوارع ود تلاقي مثلها قُل وير?where
حدايق فكرلك ممشى تمشى في بساتينك
ولك شاطي غلا فيني ترابه طيبة التفكير
وبحره لك غلا صادق وامواجه وفاء لعينك
سجيني كل هذا لك ولك مثله من التقدير
تعال وشف كُرات الدم معتصمه بميادينك
تردد لك ولاء وخلاص وتمنع هفوة التغيير
تطالب بالمؤبد لك ونلته من محبينك
ويبقى بخاطري شيً يدور حل او تفسير
سجين و داخله سجنً سجن سجان سجينك
ختام القول يالمسجون عسى دايم تضل بخير
وتبقى للولاء اهـلاٌ ولا عاشوا معادينك
ليست هناك تعليقات:
إرسال تعليق