الى أمير الشعراء إبن شقران

الى أمير الشعراء إبن شقران

بسم الله الرحمن الرحيم

.
..
...

هذه ابيات مهداه للأخ الغالي على قلبي حسين بن شقران
ارجوا ان يعذرني على القصور




.
.
مراحب عدما البارق لمى من مثقلات قنوف
و عدد دمع السحاب اللي تنثر من مخيلاته

مراحب من صميم إنسان صدوقاً مايبي له حلوف
ولا يعرف خنا الزله بفعله و ابجدياته

معي يا هاجسي ملزوم تجيب القاف لي بقروف
لجل مير الشعر ياللي خذ الابداع من ذاته

ونعم الاصل ما يحتاج شهاده مننا وحروف
عريب الجد ومعرب اصيل بكل صولاته

الا يا حسين لك تقدير ومعزه قاطنه بالجوف
وكل الود لك ساكن سهير الطرف برياته

صحيح الرد متأخر ولكن واجبك محسوف
ذبحت الحرف من اجلك و قلطته على آته

على طاري الاصايل جيت وانا كلي وله وشفوف
طرالي خشف ريماً جات وقلبي رد مافاته

رهيف القد ما مثله وخصره ضامراً ملهوف
سلب عقلي وتفكيري اسر عاشق بنظراته

سهير الطرف في حبه غدى مجنون او مخفوف
سبايب خفته غرشوب تسلطن في ولاياته

وانا ماشوف غيره حد ولا غيره ابد باشوف
ولا يمكن انا بنساه ولو طول بغيباته

خرجنا عن نطاق النص سبايب هاجسي الملقوف
يحب يكتب عن المعشوق بداياته ونهاياته

مراحب يا امير الشعر عدد ما كبروا بالطوف
وعدد ما هملل الوسمي وما لوح بقبساته