بدايااات اللقاء موعــد
بسم الله الرحمن الرحيم
.
.
.
بدايات اللقاء موعد وخاطي ساع بالصدفه
مثل بعض الصدف والله حسافه يوم جيتيها
على بر الزمن جاني متاعه مثقلاً كتفه
رحمته والليالي سود وأسوّد ما بطيتها
قعدنا فوق جمر الكذب تخيلته غلا حِلفه
اثاري اللي تخبى كان نوايا سود بيّتها
لك الله يالقى زايف تزفزف زيف في زفه
لعبت الدور و اتقنته جزاء نفسي منيتها
الا يا ريم مالي بك ولا لي في الهوى صرفه
اذا كان الغلا موسم سحابه وجف ميتها
هناك اللي عطتني قلب وعهدً صادق بحلفه
ولا يمكن تخون العهد ولو شابت دريتها
هذيك اللي لها شاعر سهر ليله مع طرفه
حلفت ماخونها حاشا ولا بدّل عطيتها
هذيك اللي تدثرني حنان ضلوع مرتجفه
وتهديني الغلا حصري وانا حافظ هديتها
على الفطره وفية عهدماهيب اطباع محترفه
لها في حِلها الاخلاص و في الترحال مطيتها
على الحلوه على المره ولا اشوار مختلفه
ولا تعصي ابد هرجي صحيحه صح نيتها
لها الامان ما بدل سواها ولا اغترف غرفه
من انهار الصدف اللي تسم ارواح رعيتها
ليست هناك تعليقات:
إرسال تعليق