يا شعاع الصبح شقق ظلمة الليل الغديره
بسم الرحمن الرحيم
.
.
.
. يا شعاع الصبح شقق ظلمة الليل الغديره
وشعشع بنورك علينا طال وقت الليل طال
خلف جلباب الظلام اللي ستر ايدي حقيره
ناس تنهش لحمنا تحت المسمى بغتيال
كم مأسي حاصله في كل قريه وكل ديره
كم عيونً دمعها من زود قهر الليل سال
كم ارامل تنعي الليل الطويل بكل حيره
واليتيم الطفل يبكي ما درى عن اي حال
شاف جده شايبً رافع كفوفاً مستجيره
ودمعته بلّت عوارض لحيته من كل جال
و جاء ينشد هالطفل ..ياجد ابويه وش مصيره
مادرى ان لـشر و أهل الشر ايديناً طوال
ثم كبى جده وضمه وعبرته بحلقه مريره
قال له ياحيد جدك: لا تكرر هالسؤال
ابوك قدم للوطن روحه لجل أمن العشيره
ونحسبه والله حسيبه لجنة الفردوس نال
نام هالطفل اليتيم ودمعته بعينه قريره
والامل لعل والا ياعسى ويزين حال
ويا شعاع الصبح وينك ظلمة الليل الغديره
ظلمها قد عاث فينا وطال وقت الليل طال
ليست هناك تعليقات:
إرسال تعليق