يا من بقلبي أجمر الشوق شبّت
بسم الله الرحمن الرحيم
.
.
لبّت معاني هاجسي يوم لبّت
وتراقصن حروف شعري سكارى
من يوم مادرهم بي الشوق طبّت
وكزت بقلبي كروت كل العذارى
يامن بقلبي أجمر الشوق شبّت
حطبانها عوج الظلوع القصارا
يرحم عظام اللي على العز ربّت
اللي تداري الزين ليل ونهارا
لا يا وليفي والهواجيس شبّت
عقب الفطام وبكل لحن تبارى
لين اصبح الاحساس شعراً تنبت
اخضر صحاري جرد وازهر قفارى
وصورتك قدم العين ماظن تغبت
تسلى بها احداق عاشق سهارى
ماني لوحدي لا تغنيت هبّت
افواج تحمل شوق مبعد ديارا
شوقه وشوقي فوق شوقه تربت
لين اصبحت ذيك اليباسي بحارا
يعني على ماقول والله تثبّت
معي معي في سر ولا جهارا
تبّت ليالي البعد يا خل تبّت
ماهيب كفوً والخطاوي قصارى
ليست هناك تعليقات:
إرسال تعليق