لاحـول من دمعـة لجـاويد لاحـول
بسم الله الرحمن الرحيم
.
.
.
الهـاني الهاجس وانا كنت مشغول
وسجلت لك ابيات من كيف كيفه
يامن عليك القلب قافل ومقفول
لا تتعبوا من هو توقد بحيفه
بحر الهوى طفناه والعلم منقول
وعشنا فصول الحب شتاه وصيفه
وحال الزمن مابين قاتل ومقتول
واكثر ضحايا الحب من غدر سيفه
وحالي انا يا صاح جيـّد و مقبول
ماكان يجزع يوم من دون طيفه
والعفو الا يا صاح مانيب مهبول
جاني الهوى ظيفي وانا اليوم ظيفه
هو اللي يطرّش لي من الحب مرسول
و هيض به اشواق القلوب الرهفيه
لاحول من دمعـة لجـاويد لا حول
دمعـة وليفـاً لا تذكـر ولـيفه
اللي ملكني ملك بالعـرض والطول
ماهمـه اصحاب النفوس الضعيفه
والحب يبقى درب ومصير مجهول
وحبي له اكـبر من مقاله سخيفه
معقول لكن فالهوى غير معقول
وجرح الهـوى ماشي يوقف نزيفه
ليست هناك تعليقات:
إرسال تعليق