كيف اميز قدر شارب فوق شارب
بسم الله الرحمن الرحيم
ليس تواضعاً مني ولكنها الحقيقه لست بمستوى
الشاعر القدير الاستاذ مراويح السحاب
فقط تهيض هاجسي من حرفه فكتبت بعض الابيات
ولا قصور في كل الشعراء كلهم والنعم
لكن حرف مراويح السحاب اعجبني و يعجبني دائماً
.
.
لاح حرفه والهواجس راودتني
لا لمحته سرني والبال طارب
ذي حروفك يا مراويح اذهلتني
مثلها بلسم فلا بالراس ضارب
ما لقيت الا جزايل واجهتني
من عرفتك وانت عالم بالتجارب
والله ان اقوالك اللي هيضتني
ذا وانا من عالمي غايب وهارب
هد يافرخ الوحش والعيل جتني
وانتقينا منها منقوش غارب
لجل عيناك الثريا جاوبتني
وشيدت لك فوقها زين المضارب
كيف لا .. واخلاقك اللي اجبرتني
سج لك بالصوت من (خُبان) مارب
لا الليالي خضبتك قد نقشتني
ماسلم من سوفها صالح و تارب
قلت حكمه والله انها اعجبتني
مثلها مثل الغداري والمكارب
علمتني نفسي اللي شيّبتني
كيف اميّز قدر شارب فوق شارب
ليست هناك تعليقات:
إرسال تعليق